पुणे : ‘महाराष्ट्र शारदा’ म्हणून ज्ञात असलेल्या प्रख्यात कवयित्री इंदिरा संत यांच्या सहवासातील आठवणींवर त्यांच्या स्नुषा वीणा संत यांनी लिहिलेल्या ‘आक्का, मी आणि....’ या पुस्तकाचे प्रकाशन येत्या रविवारी, दि. ११ ऑगस्ट २०१९ रोजी ९२ व्या अखिल भारतीय मराठी साहित्य संमेलनाच्या अध्यक्षा अरुणा ढेरे यांच्या हस्ते होणार आहे.
हे पुस्तक बुकगंगा पब्लिकेशन्सने प्रकाशित केले आहे. सर परशुरामभाऊ (एस. पी.) महाविद्यालयाच्या दृक्श्राव्य सभागृहात सायंकाळी ५.३० वाजता हा प्रकाशन सोहळा होणार असून, प्रमुख पाहुणे म्हणून ‘झी २४ तास’चे मुख्य संपादक विजय कुवळेकर उपस्थित राहणार आहेत. या वेळी ‘बुकगंगा’चे मुख्य कार्यकारी अधिकारी मंदार जोगळेकर, संचालक सुप्रिया लिमये आणि गौरी बापट उपस्थित राहणार आहेत.
कार्यक्रमाविषयी :
‘आक्का, मी आणि....’ पुस्तकाचे प्रकाशन
ठिकाण : दृक्श्राव्य सभागृह, एस. पी. कॉलेज
वेळ : सायंकाळी ५.३० वाजता
